ရိုဟင်ဂျာအရေးနဲ့ ပတ်သတ်ပြီး NUG မှရှင်းလင်းချက်

(Zawgyi / Unicode)

NUG အမျိုးသားညီညွတ်ရေးအစိုးရ အနေနဲ့ ရိုဟင်ဂျာတွေနဲ့ ပတ်သက်တဲ့ မူဝါဒ အခိုင်အမာ ရှိနေကြောင်း အမေရိကန် လွှတ်တော်အမတ်တွေကို ရှင်းပြနိုင်ခဲ့တယ်လို့ CRPH နိုင်ငံတကာကိုယ်စားလှယ် ဦးထင်လင်းအောင်က ဗွီအိုအေကို ပြောပါတယ်။ ပြီးခဲ့တဲ့သီတင်းပတ်က ဝါရှင်တန်ဒီစီအခြေစိုက် the Wilson Center က ကြီးမှူးပြီး NUG အမျိုးသားညီညွတ်ရေးအစိုးရနဲ့ အမေရိကန် ဝါရင့်လွှတ်တော်အမတ်တွေ၊ ထိပ်တန်း နိုင်ငံရေးသမားတွေနဲ့ ဆွေးနွေးပွဲမှာ ရိုဟင်ဂျာတွေ နေရပ်ပြန်ရေးနဲ့ နိုင်ငံသားဖြစ်ခွင့် အစီအစဉ်ကို အသေအချာ ဆောင်ရွက်သွားမယ်လို့ NUG က ပြောကြားခဲ့တာပါ။ အပြည့်အစုံကို မအင်ကြင်းနိုင် တင်ပြပေးထားပါတယ်။

ရိုဟင်ဂျာအကျပ်အတည်းနဲ့ ပတ်သက်လို့ မူဝါဒ အခိုင်အမာမရှိတဲ့အတွက် NUG ကို အမေရိကန် အောက်လွှတ်တော်အမတ်တချို့ရဲ့ ဝေဖန်ကန့်ကွက်မှုတွေ ပြီးခဲ့တဲ့လက ထွက်ပေါ်လာခဲ့တာပါ။ ဒါနဲ့ပတ်သက်လို့ ပြီးခဲ့တဲ့ သီတင်းပတ်အတွင်း အမေရိကန် လွှတ်တော်အမတ်တွေနဲ့ ဆွေးနွေးပွဲမှာ NUG ရဲ့ ရပ်တည်ချက်ကို ရှင်းပြနိုင်ခဲ့တယ်လို့ စနေနေ့က ဝါရှင်တန်ဒီစီ ချီတက်ဆန္ဒပြပွဲမှာ မိန့်ခွန်းပြောကြားခဲ့တဲ့ ပြည်ထောင်စုလွှတ်တော် ကိုယ်စားပြုကော်မတီ (CRPH) နိုင်ငံတကာ ကိုယ်စားလှယ် ဦးထင်လင်းအောင်က ဗွီအိုအေနဲ့ တွေ့ဆုံမေးမြန်းခန်းမှာ ပြောကြားခဲ့ပါတယ်။

“အခုနောက်ဆုံး ကျနော်တို့ Wilson Center နဲ့ တွေ့တဲ့အချိန်မှာတော့ မြန်မာ့အရေးကို သိနေတဲ့၊ မြန်မာ့အရေး စိတ်ဝင်စားတဲ့ ကွက်ဂရက်စ်က ပုဂ္ဂိုလ်တွေ တက်တယ်၊ ဆီနိတ်တာတွေ တက်တယ်။ အရင်တုန်းက Derek Mitchell လိုလူမျိုး မြန်မာပြည်မှာ တာဝန်ထမ်းဆောင်ခဲ့တဲ့ ပုဂ္ဂိုလ်တွေ တက်တယ်။ သူတို့ အကုန်လုံးက NUG ကို ထောက်ခံပါတယ် ဆိုပြီးတော့ ဆွေးနွေးသွားတဲ့ စကားတွေပေါ်မှာ ကြည့်လို့ရှိရင် အရမ်းကို သိသာလွန်းအားကြီးပါတယ်။ ပိုပိုပြီးတော့လည်း စိတ်ဝင်စားလာတယ်။ ပိုပိုပြီးတော့ အရှိန်မြှင့်ပြီး ဆောင်ရွက်ရမယ်လို့လည်း သူတို့ ပြောသွားပါတယ်။ ဆိုတော့ ဟိုရက်တုန်းက ဖြစ်နေတဲ့ NUG အပေါ်မှာ သူတို့ ရိုဟင်ဂျာနဲ့ ပတ်သက်ပြီးတော့ သံသယရှိနေတာတွေလည်း ပြေပျောက်သွားမယ်လို့ ကျနော် ယုံကြည်နေပါတယ်။”

ဝါရှင်တန်ဒီစီအခြေစိုက် the Wilson Center က ပြီးခဲ့တဲ့ ကြာသပတေးနေ့က ကြီးမှူးပြုလုပ်တဲ့ မြန်မာ့အရေး ဗွီဒီယိုကွန်ဖရင့် ဆွေးနွေးပွဲမှာ ကိုယ်တိုင်တက်ရောက်ခဲ့တဲ့ ဦးထင်လင်းအောင်က မြန်မာ့အရေး စိတ်ဝင်စားတဲ့ အမေရိကန် ထိပ်တန်းနိုင်ငံရေးသမားတွေနဲ့ လွှတ်တော်အမတ်တွေကို ရိုဟင်ဂျာအကျပ်အတည်းနဲ့ ပတ်သက်လို့ နိုင်ငံတကာ စံချိန်စံညွှန်းနဲ့အညီ ဖြေရှင်းဆောင်ရွက်ဖို့ ရှိနေကြောင်း NUG ရဲ့ ရပ်တည်ချက်ကို အခုလိုပြောသွားပါတယ်။

”ရိုဟင်ဂျာတွေကို ပြန်လည်နေရာချထားဖို့နဲ့ နေရပ်ရင်း ပြန်လာသူတွေအတွက် နိုင်ငံသားဖြစ်ခွင့် အစီအစဉ်ကို သေချာစေရေး NUG က ရည်ရွယ်ထားပါတယ်။ ဒါကြောင့် ဒီလိုလုပ်ဆောင်ဖို့အတွက်လည်း ရိုဟင်ဂျာအသိုင်းအဝိုင်းက ခေါင်းဆောင်တွေ၊ အရပ်ဘက့်အဖွဲ့အစည်းတွေနဲ့ တက်ကြွလှုပ်ရှားသူတွေ အားလုံးပါဝင်ပြီး ရေရှည်တည်တံ့တဲ့ မူဝါဒ ချမှတ် ဆောင်ရွက်သွားမှာ ဖြစ်ပါတယ်။”

ဒါပေမယ့် နယ်စပ် လူဝင်မှုကြီးကြပ်ရေးကိစ္စမှာ စစ်တပ်က အာဏာနဲ့ ကိုင်တွယ်ထားသရွေ့တော့ ရိုဟင်ဂျာပြဿနာကို ဖြေရှင်းနိုင်မှာ မဟုတ်ဘူး ဆိုတာကို ဦးထင်လင်းအောင်က ဆွေးနွေးပွဲမှာ ပါဝင်တဲ့ အမေရိကန် ထိပ်တန်းနိုင်ငံရေးသမားတွေကို သတိပေး ပြောကြားခဲ့ပါတယ်။

ဒါ့အပြင် လက်ရှိ စစ်ခေါင်းဆောင်တွေဟာ ရိုဟင်ဂျာတွေကို အင်အားသုံး ဖိနှိပ်ခဲ့တဲ့ နည်းဗျူဟာအတိုင်း ရန်ကုန်အပါအဝင် မြို့ပေါ်တွေမှာ ကျင့်သုံးလာခဲ့တဲ့အတွက် စစ်တပ်ရဲ့ ရက်စက်ကြမ်းကြုတ်မှုတွေကို မျက်ဝါးထင်ထင် တွေ့မြင်လာတဲ့ ဆန္ဒပြသူတွေဟာ နယ်စပ်တွေမှာဖြစ်နေတဲ့ အခြေအနေတွေကို နားလည်သဘောပေါက်လာကြတယ်လို့လည်း ဦးထင်လင်းအောင်က ဆွေးနွေးပွဲမှာ အခုလို ပြောသွားပါတယ်။

”စစ်တပ်ဟာ သူတို့ရဲ့ ဇာတိရပ်မြေမှာလည်း ဒီလိုမျိုး ရက်စက်ကြမ်းကြုတ်မှုတွေကို ပုံမှန်လို ကျူးလွန်နေတယ်ဆိုတာ အားလုံး တွေ့မြင်လာကြတဲ့အတွက် စစ်တပ်ကို ဆန့်ကျင်တဲ့ သဘောထား ရပ်တည်ချက်၊ စာနာမှုနဲ့ စည်းလုံးညီညွတ်မှုတွေ ဖြစ်လာသလို အမျိုးသားရေး နိုးထလာမှုလို့တောင် ကျနော်ပြောချင်ပါတယ်။”

the Wilson Center က ပြုလုပ်တဲ့ ဆွေးနွေးပွဲမှာ အမျိုးသားညီညွတ်ရေးအစိုးရ နိုင်ငံခြားရေးဝန်ကြီး ဒေါ်ဇင်မာအောင်လည်း ဗွီဒီယိုကွန်ဖရင့်နဲ့ ပါဝင်ဆွေးနွေးခဲ့ပါတယ်။

အခုလို NUG အနေနဲ့ ရိုဟင်ဂျာ အကျပ်အတည်းနဲ့ ပတ်သက်တဲ့ သူတို့ရဲ့ မူဝါဒကို ထုတ်ဖော်ပြောဆိုလာတဲ့အပေါ်မှာ ၁၉၉၀ ပြည့် ရွေးကောက်ပွဲအနိုင်ရ ပြည်သူ့လွှတ်တော်အမတ်ဟောင်း လက်ရှိ အမေရိကန်ပြည်ထောင်စုမှာ နေထိုင်နေတဲ့ ဒေါက်တာတင့်ဆွေက သူ့ရဲ့အမြင်ကို အခုလိုပြောပါတယ်။

“ပြည်တွင်းကတော့ သိတဲ့အတိုင်း ပြည်တွင်းမှာ ကျနော်တို့နိုင်ငံမှာ စစ်အစိုးရ ဒုတိယအကြိမ် တက်ကတည်းက ဒီကိစ္စမှာ တော်တော်လေးကို အာဏာအတွက်၊ အာဏာအကျိုးစီးပွားအတွက် အသုံးချပြီးတော့ နာမည်အခေါ်အဝေါ် အသုံးအနှုန်းကအစ၊ နောက်တခါ ဘာသာရေးမှိုင်းပေါ့၊ အဲတော့ ဒီဟာကြီးက အခုထိ နက်နက်နဲနဲ ရှိနေတဲ့အချိန်မှာ တချို့လူတွေအတွက် ဆုံးဖြတ်ချက် ချတဲ့အခါမှာ နားလည်မှု တော်တော်လေးလွဲနိုင်တဲ့ အနေအထားတရပ် ဖြစ်ပါတယ်။ သို့သော်လည်း ကျနော်တို့က ဒီဟာကို မကျော်လွှားလို့ မဖြစ်ဘူး။ နောက်တခါ နိုင်ငံတကာပေါ့၊ အဲဒီထဲမှာ အဓိကကျတာကတော့ UN နဲ့ EU နဲ့ US ဖြစ်ပါတယ်။ အဲဒီနိုင်ငံတွေက ဗမာနိုင်ငံမှာ ရိုဟင်ဂျာကိစ္စနဲ့ ပတ်သက်ပြီးတော့ လုံးဝကို အမြင်မကြည်တဲ့ကိစ္စမှာ NUG က အဲဒါကို ကျော်လွှားဖို့ ဖြေရှင်းနိုင်ဖို့အတွက် ကြီးမားတဲ့ ခြေလှမ်းတခုကို ရဲရဲဝံ့ဝံ့ လှမ်းပြီးတော့ ဆုံးဖြတ်လိုက်တယ်လို့ပဲ ကျနော်မြင်ပါတယ်။”

အမျိုးသားညီညွတ်ရေးအစိုးရကတော့ ရိုဟင်ဂျာဆိုတဲ့ အသုံးအနှုန်းကို တရားဝင် သုံးစွဲထားပါတယ်။ စစ်ကောင်စီခေါင်းဆောင် ဗိုလ်ချုပ်မှူးကြီးမင်းအောင်လှိုင်ကတော့ အာဏာသိမ်းမိန့်ခွန်း ပထမဆုံး ပြောကြားတဲ့အထဲမှာ ဘင်္ဂလားဒေ့ရ်ှရောက် ဒုက္ခသည်တွေကို ပြန်လည်ခေါ်ယူသွားမယ်လို့ ထည့်သွင်းပြောဆိုခဲ့ပေမယ့် ရိုဟင်ဂျာဆိုတဲ့ အသုံးအနှုန်းကိုတော့ ခေါ်ဝေါ်သုံးစွဲခြင်း မရှိပါဘူး။

#NUG #Rohingya #ရိုဟင်ဂျာ #အမျိုးသားညီညွတ်ရေးအစိုးရ #ဦးထင်လင်းအောင် #ဒေါ်ဇင်မာအောင် #ဒေါက်တာတင့်ဆွေ #VOABurmese
———————-

(Unicode)

ရိုဟင်ဂျာဆိုင်ရာမူဝါဒ NUG ရှင်းလင်းချက်

NUG အမျိုးသားညီညွတ်ရေးအစိုးရ အနေနဲ့ ရိုဟင်ဂျာတွေနဲ့ ပတ်သက်တဲ့ မူဝါဒ အခိုင်အမာ ရှိနေကြောင်း အမေရိကန် လွှတ်တော်အမတ်တွေကို ရှင်းပြနိုင်ခဲ့တယ်လို့ CRPH နိုင်ငံတကာကိုယ်စားလှယ် ဦးထင်လင်းအောင်က ဗွီအိုအေကို ပြောပါတယ်။ ပြီးခဲ့တဲ့သီတင်းပတ်က ဝါရှင်တန်ဒီစီအခြေစိုက် the Wilson Center က ကြီးမှူးပြီး NUG အမျိုးသားညီညွတ်ရေးအစိုးရနဲ့ အမေရိကန် ဝါရင့်လွှတ်တော်အမတ်တွေ၊ ထိပ်တန်း နိုင်ငံရေးသမားတွေနဲ့ ဆွေးနွေးပွဲမှာ ရိုဟင်ဂျာတွေ နေရပ်ပြန်ရေးနဲ့ နိုင်ငံသားဖြစ်ခွင့် အစီအစဉ်ကို အသေအချာ ဆောင်ရွက်သွားမယ်လို့ NUG က ပြောကြားခဲ့တာပါ။ အပြည့်အစုံကို မအင်ကြင်းနိုင် တင်ပြပေးထားပါတယ်။

ရိုဟင်ဂျာအကျပ်အတည်းနဲ့ ပတ်သက်လို့ မူဝါဒ အခိုင်အမာမရှိတဲ့အတွက် NUG ကို အမေရိကန် အောက်လွှတ်တော်အမတ်တချို့ရဲ့ ဝေဖန်ကန့်ကွက်မှုတွေ ပြီးခဲ့တဲ့လက ထွက်ပေါ်လာခဲ့တာပါ။ ဒါနဲ့ပတ်သက်လို့ ပြီးခဲ့တဲ့ သီတင်းပတ်အတွင်း အမေရိကန် လွှတ်တော်အမတ်တွေနဲ့ ဆွေးနွေးပွဲမှာ NUG ရဲ့ ရပ်တည်ချက်ကို ရှင်းပြနိုင်ခဲ့တယ်လို့ စနေနေ့က ဝါရှင်တန်ဒီစီ ချီတက်ဆန္ဒပြပွဲမှာ မိန့်ခွန်းပြောကြားခဲ့တဲ့ ပြည်ထောင်စုလွှတ်တော် ကိုယ်စားပြုကော်မတီ (CRPH) နိုင်ငံတကာ ကိုယ်စားလှယ် ဦးထင်လင်းအောင်က ဗွီအိုအေနဲ့ တွေ့ဆုံမေးမြန်းခန်းမှာ ပြောကြားခဲ့ပါတယ်။

“အခုနောက်ဆုံး ကျနော်တို့ Wilson Center နဲ့ တွေ့တဲ့အချိန်မှာတော့ မြန်မာ့အရေးကို သိနေတဲ့၊ မြန်မာ့အရေး စိတ်ဝင်စားတဲ့ ကွက်ဂရက်စ်က ပုဂ္ဂိုလ်တွေ တက်တယ်၊ ဆီနိတ်တာတွေ တက်တယ်။ အရင်တုန်းက Derek Mitchell လိုလူမျိုး မြန်မာပြည်မှာ တာဝန်ထမ်းဆောင်ခဲ့တဲ့ ပုဂ္ဂိုလ်တွေ တက်တယ်။ သူတို့ အကုန်လုံးက NUG ကို ထောက်ခံပါတယ် ဆိုပြီးတော့ ဆွေးနွေးသွားတဲ့ စကားတွေပေါ်မှာ ကြည့်လို့ရှိရင် အရမ်းကို သိသာလွန်းအားကြီးပါတယ်။ ပိုပိုပြီးတော့လည်း စိတ်ဝင်စားလာတယ်။ ပိုပိုပြီးတော့ အရှိန်မြှင့်ပြီး ဆောင်ရွက်ရမယ်လို့လည်း သူတို့ ပြောသွားပါတယ်။ ဆိုတော့ ဟိုရက်တုန်းက ဖြစ်နေတဲ့ NUG အပေါ်မှာ သူတို့ ရိုဟင်ဂျာနဲ့ ပတ်သက်ပြီးတော့ သံသယရှိနေတာတွေလည်း ပြေပျောက်သွားမယ်လို့ ကျနော် ယုံကြည်နေပါတယ်။”

ဝါရှင်တန်ဒီစီအခြေစိုက် the Wilson Center က ပြီးခဲ့တဲ့ ကြာသပတေးနေ့က ကြီးမှူးပြုလုပ်တဲ့ မြန်မာ့အရေး ဗွီဒီယိုကွန်ဖရင့် ဆွေးနွေးပွဲမှာ ကိုယ်တိုင်တက်ရောက်ခဲ့တဲ့ ဦးထင်လင်းအောင်က မြန်မာ့အရေး စိတ်ဝင်စားတဲ့ အမေရိကန် ထိပ်တန်းနိုင်ငံရေးသမားတွေနဲ့ လွှတ်တော်အမတ်တွေကို ရိုဟင်ဂျာအကျပ်အတည်းနဲ့ ပတ်သက်လို့ နိုင်ငံတကာ စံချိန်စံညွှန်းနဲ့အညီ ဖြေရှင်းဆောင်ရွက်ဖို့ ရှိနေကြောင်း NUG ရဲ့ ရပ်တည်ချက်ကို အခုလိုပြောသွားပါတယ်။

”ရိုဟင်ဂျာတွေကို ပြန်လည်နေရာချထားဖို့နဲ့ နေရပ်ရင်း ပြန်လာသူတွေအတွက် နိုင်ငံသားဖြစ်ခွင့် အစီအစဉ်ကို သေချာစေရေး NUG က ရည်ရွယ်ထားပါတယ်။ ဒါကြောင့် ဒီလိုလုပ်ဆောင်ဖို့အတွက်လည်း ရိုဟင်ဂျာအသိုင်းအဝိုင်းက ခေါင်းဆောင်တွေ၊ အရပ်ဘက့်အဖွဲ့အစည်းတွေနဲ့ တက်ကြွလှုပ်ရှားသူတွေ အားလုံးပါဝင်ပြီး ရေရှည်တည်တံ့တဲ့ မူဝါဒ ချမှတ် ဆောင်ရွက်သွားမှာ ဖြစ်ပါတယ်။”

ဒါပေမယ့် နယ်စပ် လူဝင်မှုကြီးကြပ်ရေးကိစ္စမှာ စစ်တပ်က အာဏာနဲ့ ကိုင်တွယ်ထားသရွေ့တော့ ရိုဟင်ဂျာပြဿနာကို ဖြေရှင်းနိုင်မှာ မဟုတ်ဘူး ဆိုတာကို ဦးထင်လင်းအောင်က ဆွေးနွေးပွဲမှာ ပါဝင်တဲ့ အမေရိကန် ထိပ်တန်းနိုင်ငံရေးသမားတွေကို သတိပေး ပြောကြားခဲ့ပါတယ်။

ဒါ့အပြင် လက်ရှိ စစ်ခေါင်းဆောင်တွေဟာ ရိုဟင်ဂျာတွေကို အင်အားသုံး ဖိနှိပ်ခဲ့တဲ့ နည်းဗျူဟာအတိုင်း ရန်ကုန်အပါအဝင် မြို့ပေါ်တွေမှာ ကျင့်သုံးလာခဲ့တဲ့အတွက် စစ်တပ်ရဲ့ ရက်စက်ကြမ်းကြုတ်မှုတွေကို မျက်ဝါးထင်ထင် တွေ့မြင်လာတဲ့ ဆန္ဒပြသူတွေဟာ နယ်စပ်တွေမှာဖြစ်နေတဲ့ အခြေအနေတွေကို နားလည်သဘောပေါက်လာကြတယ်လို့လည်း ဦးထင်လင်းအောင်က ဆွေးနွေးပွဲမှာ အခုလို ပြောသွားပါတယ်။

”စစ်တပ်ဟာ သူတို့ရဲ့ ဇာတိရပ်မြေမှာလည်း ဒီလိုမျိုး ရက်စက်ကြမ်းကြုတ်မှုတွေကို ပုံမှန်လို ကျူးလွန်နေတယ်ဆိုတာ အားလုံး တွေ့မြင်လာကြတဲ့အတွက် စစ်တပ်ကို ဆန့်ကျင်တဲ့ သဘောထား ရပ်တည်ချက်၊ စာနာမှုနဲ့ စည်းလုံးညီညွတ်မှုတွေ ဖြစ်လာသလို အမျိုးသားရေး နိုးထလာမှုလို့တောင် ကျနော်ပြောချင်ပါတယ်။”

the Wilson Center က ပြုလုပ်တဲ့ ဆွေးနွေးပွဲမှာ အမျိုးသားညီညွတ်ရေးအစိုးရ နိုင်ငံခြားရေးဝန်ကြီး ဒေါ်ဇင်မာအောင်လည်း ဗွီဒီယိုကွန်ဖရင့်နဲ့ ပါဝင်ဆွေးနွေးခဲ့ပါတယ်။

အခုလို NUG အနေနဲ့ ရိုဟင်ဂျာ အကျပ်အတည်းနဲ့ ပတ်သက်တဲ့ သူတို့ရဲ့ မူဝါဒကို ထုတ်ဖော်ပြောဆိုလာတဲ့အပေါ်မှာ ၁၉၉၀ ပြည့် ရွေးကောက်ပွဲအနိုင်ရ ပြည်သူ့လွှတ်တော်အမတ်ဟောင်း လက်ရှိ အမေရိကန်ပြည်ထောင်စုမှာ နေထိုင်နေတဲ့ ဒေါက်တာတင့်ဆွေက သူ့ရဲ့အမြင်ကို အခုလိုပြောပါတယ်။

“ပြည်တွင်းကတော့ သိတဲ့အတိုင်း ပြည်တွင်းမှာ ကျနော်တို့နိုင်ငံမှာ စစ်အစိုးရ ဒုတိယအကြိမ် တက်ကတည်းက ဒီကိစ္စမှာ တော်တော်လေးကို အာဏာအတွက်၊ အာဏာအကျိုးစီးပွားအတွက် အသုံးချပြီးတော့ နာမည်အခေါ်အဝေါ် အသုံးအနှုန်းကအစ၊ နောက်တခါ ဘာသာရေးမှိုင်းပေါ့၊ အဲတော့ ဒီဟာကြီးက အခုထိ နက်နက်နဲနဲ ရှိနေတဲ့အချိန်မှာ တချို့လူတွေအတွက် ဆုံးဖြတ်ချက် ချတဲ့အခါမှာ နားလည်မှု တော်တော်လေးလွဲနိုင်တဲ့ အနေအထားတရပ် ဖြစ်ပါတယ်။ သို့သော်လည်း ကျနော်တို့က ဒီဟာကို မကျော်လွှားလို့ မဖြစ်ဘူး။ နောက်တခါ နိုင်ငံတကာပေါ့၊ အဲဒီထဲမှာ အဓိကကျတာကတော့ UN နဲ့ EU နဲ့ US ဖြစ်ပါတယ်။ အဲဒီနိုင်ငံတွေက ဗမာနိုင်ငံမှာ ရိုဟင်ဂျာကိစ္စနဲ့ ပတ်သက်ပြီးတော့ လုံးဝကို အမြင်မကြည်တဲ့ကိစ္စမှာ NUG က အဲဒါကို ကျော်လွှားဖို့ ဖြေရှင်းနိုင်ဖို့အတွက် ကြီးမားတဲ့ ခြေလှမ်းတခုကို ရဲရဲဝံ့ဝံ့ လှမ်းပြီးတော့ ဆုံးဖြတ်လိုက်တယ်လို့ပဲ ကျနော်မြင်ပါတယ်။”

အမျိုးသားညီညွတ်ရေးအစိုးရကတော့ ရိုဟင်ဂျာဆိုတဲ့ အသုံးအနှုန်းကို တရားဝင် သုံးစွဲထားပါတယ်။ စစ်ကောင်စီခေါင်းဆောင် ဗိုလ်ချုပ်မှူးကြီးမင်းအောင်လှိုင်ကတော့ အာဏာသိမ်းမိန့်ခွန်း ပထမဆုံး ပြောကြားတဲ့အထဲမှာ ဘင်္ဂလားဒေ့ရှ်ရောက် ဒုက္ခသည်တွေကို ပြန်လည်ခေါ်ယူသွားမယ်လို့ ထည့်သွင်းပြောဆိုခဲ့ပေမယ့် ရိုဟင်ဂျာဆိုတဲ့ အသုံးအနှုန်းကိုတော့ ခေါ်ဝေါ်သုံးစွဲခြင်း မရှိပါဘူး။

 

Leave a Reply

Your email address will not be published. Required fields are marked *