စစ်ဘေးရှောင် (၄)ဦးအစာရေဆာပြတ်ပြီးသေဆုံး

ကယားပြည်နယ် ဘောလခဲ၊ ဖရူဆိုနဲ့ ဒီးမော့ဆိုမြို့နယ်တွေမှာ အောက်တိုဘာ ၂၁ ရက် ညနေက KA၊ KNDF ပူးပေါင်းတပ်နဲ့ စစ်ကောင်စီအကြား တိုက်ပွဲ လေးကြိမ်ဖြစ်ပွားခဲ့တယ်လို့ KNDF က ပြောဆိုလိုက်ပါတယ်။ တိုက်ပွဲအခြေအနေကြောင့် ဒေသခံတွေ ထွက်ပြေးတိမ်းရှောင်နေရပြီး အစာရေစာပြတ်မှုကြောင့် သေဆုံးသူ ၄ ဦး ရှိတယ် လို့ ဒေသခံတဦးက ပြောပါတယ်။ ရန်ကုန်ကပေးပို့တဲ့ သတင်းကို မဆုမွန်က တင်ပြပေးထားပါတယ်။

အောက်တိုဘာ ၂၁ ရက် ညနေ ၂ နာရီခွဲလောက်က ဘောလခဲမြို့နယ်၊ နန်းဖဲရွာနားမှာ တကြိမ်၊ ကျို့ပင်ကုန်းရွာတဝိုက် စစ်ကောင်စီယာဉ်တန်းကို ကရင်နီအမျိုးသားကာကွယ်ရေးတပ် (KNDF) နဲ့ ကရင်နီတပ်မတော် (KA) ပူးပေါင်းအဖွဲ့တို့ မိုင်းဆွဲတိုက်ခိုက်ပြီး တိုက်ပွဲဖြစ်ခဲ့တယ်လို့ KNDF ပြန်ကြားရေးတာဝန်ရှိသူတဦးက VOA ကိုပြောပါတယ်။

ဒါ့အပြင် ဖရူဆိုမြို့နယ် ထားလဲကျေးရွာအနီးမှာလည်း တိုက်ပွဲဖြစ်ပွားခဲ့ပြီး ည ၇ နာရီလောက်မှာတော့ ဒီးမော့ဆိုမြို့မ ရဲစခန်းအနောက်ဘက် ဘုန်းကြီးကျောင်းနားမှာ တိုက်ပွဲတကြိမ်ထပ်ဖြစ်ပြီး မနေ့က တရက်တည်းမှာ စုစုပေါင်း တိုက်ပွဲ သုံးကြိမ်ဖြစ်ပွားခဲ့တာလို့ KNDF ပြန်ကြားရေးတာဝန်ရှိသူတဦးက အခုလို ပြောပါတယ်။

“နန်းဖဲမရောက်ခင်နားမှာ တခေါက်၊ စစ်ကောင်စီကို KA နဲ့ KNDF ပူးပေါင်းတပ်က မိုင်းဆွဲ တိုက်ခိုက်တာရှိတယ်။ ပထမတကြိမ်၊ နောက်တကြိမ်က ကျို့ပင်ကုန်းခွဲနေရာမှာ မိုင်ဆွဲတိုက်ခိုက် နောက်တကြိမ်ရှိတယ်၊ နောက်တကြိမ် ကတော့ ထားလဲမှာ တိုက်ပွဲထပ်ဖြစ်တယ်။ နောက် ည ၇ နာရီလောက်ရောက်တော့ ရဲစခန်းမှာလည်းKNDF နဲ့ KA နဲ့ ပေါင်းပြီးတော့ တိုက်ပွဲထပ်ဖြစ်တာ ရှိတာပေါ့လေ။တိုက်ပွဲလေးကြိမ်ပေါ့၊ စစ်ကောင်စီက ဒရုန်းလွှတ်ရာကနေစတာဗျာ။ တိုက်ပွဲကလေ၊ ထောက်လှမ်းရေးဒရုန်းတွေ လွှတ်ပြီးတော့ တပ်ဖွဲ့တွေက အဲ့ဒီဒရုန်းကို ပစ်ရာကနေ လက်ကြီးတွေနဲ့အပြန်အလှန်ထုကြတာဗျ။”

စစ်ကောင်စီဘက်က ဒရုန်းလွှတ်တင် ထောက်လှမ်းရာကနေ ဒီးမော့ဆိုမြို့ ရဲစခန်းအနောက်ဘက် ဘုန်းကြီးကျောင်းနားမှာ တိုက်ပွဲဖြစ်စတာလို့ ပြောပါတယ်။

မနေ့က တိုက်ခိုက်မှုမှာ စစ်ကောင်စီဘက်က ၂၈ ဦးသေဆုံးပြီး ၃၀ ကျော် ဒဏ်ရာရရှိသလို စစ်ကား ၃ စီး ပျက်စီးသွားတယ်လို့ KNDF ပြန်ကြားရေးတာဝန်ရှိသူက ပြောပါတယ်။ ဒီသေဆုံးမှုနဲ့ ပတ်သက်ပြီး VOA က သီးခြားအတည်လို့ မရသေးပါဘူး။ စစ်ကောင်စီဘက်ကလည်း တစုံတရား သတင်းထုတ်ပြန်တာ မရှိသေးပါဘူး။

ဒီးမော့ဆိုနယ်မှာ စစ်ကောင်စီနဲ့ ဒေသခံကာကွယ်ရေးတပ်ဖွဲ့တို့ဟာ မကြာခဏ တိုက်ပွဲဖြစ်ပွားနေတာကြောင့် ဒေသခံတွေ ကြိုတင်ရှောင်တိမ်းထားကြလို့ မနေ့ညက တိုက်ပွဲမှာ ဒေသခံတွေ အထိအခိုက်မရှိဘူးလို့ ဒီးမော့ဆိုဒေသခံတဦးက ပြောပါတယ်။ တိုက်ပွဲဖြစ်ပြီးနောက် စစ်ကောင်စီက လက်နက်ကြီး လက်နက်ငယ်တွေနဲ့ ရမ်းသမ်းပစ်ခတ်နေတာကြောင့် နေအိမ်ထိခိုက် ပျက်စီးမှုရှိပေမယ့် အပျက်အစီးစာရင်းကိုတော့ မသိရသေးလို့ ဒီးမော့ဆိုဒေသခံတဦးက ပြောပါတယ်။

“တိုက်ပွဲကတော့ မပြင်းပါဘူး၊ သူတို့ ဒီတိုင်းပဲ ကြားသလောက်တော့ စစ်ကောင်စီက လက်နက်ကြီး လက်နက်ငယ်တွေ ရမ်းသမ်းပစ်လိုက်တာထင်တယ်၊ ဒေသတွေက နဂိုကတည်းက ရှောင်တိမ်းထားတယ်ဆိုတော့ ဘာမှ ထိခိုက်တာ မရှိဘူး၊ ရှောင်ထားပြီးသားဆိုတော့၊ အပျက်အစီးတွေက မသိဘူးပေါ့နော်။ အိမ်တွေ ဘာတွေကျထိလားဆိုတော့ အခုချိန်ထိ မသိရသေးဘူး။”

ကယားပြည်နယ်မှာ တိုက်ပွဲဖြစ်ပွားမှုအခြေအနေနဲ့ ပတ်သက်ပြီး စစ်ကောင်စီဘက်ကတော့ တစုံတရာ သတင်းထုတ်ပြန်တာ မရှိသေးပါဘူး။ ဘောလခဲနယ် နန်းဖဲရွာနားက တိုက်ပွဲကြောင့် ဒေသခံတွေ ဘေးလွတ်ရာကိုပုန်းရှောင်နေရတယ်လို့ နန်းဖဲရွာခံတဦးက ပြောပါတယ်။

“ထွက်ပြေးတော့ ပြေးကြတာပဲ၊ ကျမတို့ကအစ အကုန်လုံးပြေးရတယ်၊ ထွက်ပြေးတာတော့ တပတ် နှစ်ပတ်တော့ ရှိသွားပြီ။ အဲဒီနေ့က ဖြစ်တဲ့အချိန်ပြေးကြတာပဲ။ လက်နက်ကြီးထုတာများတယ်၊ နှစ်ဘက်ပစ်ခတ်ပြီးတော့ စစ်ကောင်စီကတော့ ထုတာများတာပေါ့။ သူတို့က လက်နက်ကြီးနဲ့ အားကိုးတာပေါ့။”

လုံခြုံးရေးအရ နာမည်မဖော်လိုတဲ့ ဘောလခဲမြို့ခံတဦးကတော့ ဘောလခဲနယ်တဝိုက်မှာ မကြာမကြာ တိုက်ပွဲဖြစ် ပွားနေတာမို့ ထားခလောလဲရွာ၊ နန်းဖဲရွာ၊ ပုလဲလယ်ရွာ၊ သော်ခူရွာ၊ နီနခါးရွာ စတဲ့ ကျေးရွာ ၁၀ ရွာလောက်က ဒေသခံတွေ ထွက်ပြေးနေကြရတယ်လို့ ပြောပါတယ်။ တိုက်ပွဲအခြေအနေငြိမ်ရင် ဒေသခံတွေရွာကို ပြန်လာလိုက်၊ ပြန်ပြေးလိုက်နဲ့ ဒုက္ခအမျိုးမျိုးကြုံနေရတာလို့ ဒေသခံက ပြောပါတယ်။

“အကုန်လုံးက ရွာရှောင်နေတာ ရွာပေါင်း ၁၀ ရွာလောက်ရှိမယ် ထင်တယ်၊ အဲ့တစ်ကျောလုံးက ရှောင်တယ်၊ ရှောင် တာကတော့ ကြာနေပါပြီ။ ၄ လပိုင်းကတည်းက ရှောင်တယ်၊ ရှောင်လိုက် တိုက်ပွဲကငြိမ်လိုက်၊ လူထုက ပြန်ကပ်လိုက်။ တော်ကြာကျရင် လမ်းပေါ်ပြန်ဖြစ်လိုက်၊ ပြန်ပြေးလိုက်။ လူတွေ အနားမရသေးဘူး။ ပြေးလွှားရင်းနဲ့ သေတဲ့လူတော့ အများကြီး။ တိုက်ပွဲမဟုတ်ဘဲနဲ့ ပြေးလွှားရင်းနဲ့ ဒုက္ခများပြီးတော့မှ အစားရေစာငတ်ပြီး အဲ့ဒီဘက်မှာ ငတ်မွတ်ခေါင်းပါး များတယ်။”

စစ်ကောင်စီတပ်တွေဟာ ကယားနယ်ဘက်မှာ အင်အားတိုးချထားပြီး တိုက်ပွဲမရှိလည်း လက်နက်ကြီးတွေ အဆမတန် အသုံးပြု ကျေးရွာဘက်ကို ပစ်ခတ်လို့ ဒေသခံ အိမ်မှာ မနေရဲဘဲ အိုးအိမ်စွန့်ခွာ ဘေးလွတ်ရာကိုထွက်ပြေးရတာလို့ ဒေသခံတွေက ပြောကြပါတယ်။

ကယားပြည်နယ် စစ်ရှောင် ၄ ဦး အစာရေစာပြတ်လတ်မှုကြောင့် သေဆုံး

ကယားပြည်နယ် ဘောလခဲ၊ ဖရူဆိုနဲ့ ဒီးမော့ဆိုမြို့နယ်တွေမှာ အောက်တိုဘာ ၂၁ ရက် ညနေက KA၊ KNDF ပူးပေါင်းတပ်နဲ့ စစ်ကောင်စီအကြား တိုက်ပွဲ လေးကြိမ်ဖြစ်ပွားခဲ့တယ်လို့ KNDF က ပြောဆိုလိုက်ပါတယ်။ တိုက်ပွဲအခြေအနေကြောင့် ဒေသခံတွေ ထွက်ပြေးတိမ်းရှောင်နေရပြီး အစာရေစာပြတ်မှုကြောင့် သေဆုံးသူ ၄ ဦး ရှိတယ် လို့ ဒေသခံတဦးက ပြောပါတယ်။ ရန်ကုန်ကပေးပို့တဲ့ သတင်းကို မဆုမွန်က တင်ပြပေးထားပါတယ်။

အောက်တိုဘာ ၂၁ ရက် ညနေ ၂ နာရီခွဲလောက်က ဘောလခဲမြို့နယ်၊ နန်းဖဲရွာနားမှာ တကြိမ်၊ ကျို့ပင်ကုန်းရွာတဝိုက် စစ်ကောင်စီယာဉ်တန်းကို ကရင်နီအမျိုးသားကာကွယ်ရေးတပ် (KNDF) နဲ့ ကရင်နီတပ်မတော် (KA) ပူးပေါင်းအဖွဲ့တို့ မိုင်းဆွဲတိုက်ခိုက်ပြီး တိုက်ပွဲဖြစ်ခဲ့တယ်လို့ KNDF ပြန်ကြားရေးတာဝန်ရှိသူတဦးက VOA ကိုပြောပါတယ်။

ဒါ့အပြင် ဖရူဆိုမြို့နယ် ထားလဲကျေးရွာအနီးမှာလည်း တိုက်ပွဲဖြစ်ပွားခဲ့ပြီး ည ၇ နာရီလောက်မှာတော့ ဒီးမော့ဆိုမြို့မ ရဲစခန်းအနောက်ဘက် ဘုန်းကြီးကျောင်းနားမှာ တိုက်ပွဲတကြိမ်ထပ်ဖြစ်ပြီး မနေ့က တရက်တည်းမှာ

စုစုပေါင်း တိုက်ပွဲ သုံးကြိမ်ဖြစ်ပွားခဲ့တာလို့ KNDF ပြန်ကြားရေးတာဝန်ရှိသူတဦးက အခုလို ပြောပါတယ်။

“နန်းဖဲမရောက်ခင်နားမှာ တခေါက်၊ စစ်ကောင်စီကို KA နဲ့ KNDF ပူးပေါင်းတပ်က မိုင်းဆွဲ တိုက်ခိုက်တာရှိတယ်။ ပထမတကြိမ်၊ နောက်တကြိမ်က ကျို့ပင်ကုန်းခွဲနေရာမှာ မိုင်ဆွဲတိုက်ခိုက် နောက်တကြိမ်ရှိတယ်၊ နောက်တကြိမ် ကတော့ ထားလဲမှာ တိုက်ပွဲထပ်ဖြစ်တယ်။ နောက် ည ၇ နာရီလောက်ရောက်တော့ ရဲစခန်းမှာလည်းKNDF နဲ့ KA နဲ့ ပေါင်းပြီးတော့ တိုက်ပွဲထပ်ဖြစ်တာ ရှိတာပေါ့လေ။တိုက်ပွဲလေးကြိမ်ပေါ့၊ စစ်ကောင်စီက ဒရုန်းလွှတ်ရာကနေစတာဗျာ။ တိုက်ပွဲကလေ၊ ထောက်လှမ်းရေးဒရုန်းတွေ လွှတ်ပြီးတော့ တပ်ဖွဲ့တွေက အဲ့ဒီဒရုန်းကို ပစ်ရာကနေ လက်ကြီးတွေနဲ့အပြန်အလှန်ထုကြတာဗျ။”

စစ်ကောင်စီဘက်က ဒရုန်းလွှတ်တင် ထောက်လှမ်းရာကနေ ဒီးမော့ဆိုမြို့ ရဲစခန်းအနောက်ဘက် ဘုန်းကြီးကျောင်းနားမှာ တိုက်ပွဲဖြစ်စတာလို့ ပြောပါတယ်။

ဒီးမော့ဆိုနယ်မှာ စစ်ကောင်စီနဲ့ ဒေသခံကာကွယ်ရေးတပ်ဖွဲ့တို့ဟာ မကြာခဏ တိုက်ပွဲဖြစ်ပွားနေတာကြောင့် ဒေသခံတွေ ကြိုတင်ရှောင်တိမ်းထားကြလို့ မနေ့ညက တိုက်ပွဲမှာ ဒေသခံတွေ အထိအခိုက်မရှိဘူးလို့ ဒီးမော့ဆိုဒေသခံတဦးက ပြောပါတယ်။ တိုက်ပွဲဖြစ်ပြီးနောက် စစ်ကောင်စီက လက်နက်ကြီး လက်နက်ငယ်တွေနဲ့ ရမ်းသမ်းပစ်ခတ်နေတာကြောင့် နေအိမ်ထိခိုက် ပျက်စီးမှုရှိပေမယ့် အပျက်အစီးစာရင်းကိုတော့ မသိရသေးလို့ ဒီးမော့ဆိုဒေသခံတဦးက ပြောပါတယ်။

“တိုက်ပွဲကတော့ မပြင်းပါဘူး၊ သူတို့ ဒီတိုင်းပဲ ကြားသလောက်တော့ စစ်ကောင်စီက လက်နက်ကြီး လက်နက်ငယ်တွေ ရမ်းသမ်းပစ်လိုက်တာထင်တယ်၊ ဒေသတွေက နဂိုကတည်းက ရှောင်တိမ်းထားတယ်ဆိုတော့ ဘာမှ ထိခိုက်တာ မရှိဘူး၊ ရှောင်ထားပြီးသားဆိုတော့၊ အပျက်အစီးတွေက မသိဘူးပေါ့နော်။ အိမ်တွေ ဘာတွေကျထိလားဆိုတော့ အခုချိန်ထိ မသိရသေးဘူး။”

ကယားပြည်နယ်မှာ တိုက်ပွဲဖြစ်ပွားမှုအခြေအနေနဲ့ ပတ်သက်ပြီး စစ်ကောင်စီဘက်ကတော့ တစုံတရာ သတင်းထုတ်ပြန်တာ မရှိသေးပါဘူး။ ဘောလခဲနယ် နန်းဖဲရွာနားက တိုက်ပွဲကြောင့် ဒေသခံတွေ ဘေးလွတ်ရာကိုပုန်းရှောင်နေရတယ်လို့ နန်းဖဲရွာခံတဦးက ပြောပါတယ်။

“ထွက်ပြေးတော့ ပြေးကြတာပဲ၊ ကျမတို့ကအစ အကုန်လုံးပြေးရတယ်၊ ထွက်ပြေးတာတော့ တပတ် နှစ်ပတ်တော့ ရှိသွားပြီ။ အဲဒီနေ့က ဖြစ်တဲ့အချိန်ပြေးကြတာပဲ။ လက်နက်ကြီးထုတာများတယ်၊ နှစ်ဘက်ပစ်ခတ်ပြီးတော့ စစ်ကောင်စီကတော့ ထုတာများတာပေါ့။ သူတို့က လက်နက်ကြီးနဲ့ အားကိုးတာပေါ့။”

လုံခြုံးရေးအရ နာမည်မဖော်လိုတဲ့ ဘောလခဲမြို့ခံတဦးကတော့ ဘောလခဲနယ်တဝိုက်မှာ မကြာမကြာ တိုက်ပွဲဖြစ် ပွားနေတာမို့ ထားခလောလဲရွာ၊ နန်းဖဲရွာ၊ ပုလဲလယ်ရွာ၊ သော်ခူရွာ၊ နီနခါးရွာ စတဲ့ ကျေးရွာ ၁၀ ရွာလောက်က ဒေသခံတွေ ထွက်ပြေးနေကြရတယ်လို့ ပြောပါတယ်။ တိုက်ပွဲအခြေအနေငြိမ်ရင် ဒေသခံတွေရွာကို ပြန်လာလိုက်၊ ပြန်ပြေးလိုက်နဲ့ ဒုက္ခအမျိုးမျိုးကြုံနေရတာလို့ ဒေသခံက ပြောပါတယ်။

“အကုန်လုံးက ရွာရှောင်နေတာ ရွာပေါင်း ၁၀ ရွာလောက်ရှိမယ် ထင်တယ်၊ အဲ့တစ်ကျောလုံးက ရှောင်တယ်၊ ရှောင် တာကတော့ ကြာနေပါပြီ။ ၄ လပိုင်းကတည်းက ရှောင်တယ်၊ ရှောင်လိုက် တိုက်ပွဲကငြိမ်လိုက်၊ လူထုက ပြန်ကပ်လိုက်။ တော်ကြာကျရင် လမ်းပေါ်ပြန်ဖြစ်လိုက်၊ ပြန်ပြေးလိုက်။ လူတွေ အနားမရသေးဘူး။ ပြေးလွှားရင်းနဲ့ သေတဲ့လူတော့ အများကြီး။ တိုက်ပွဲမဟုတ်ဘဲနဲ့ ပြေးလွှားရင်းနဲ့ ဒုက္ခများပြီးတော့မှ အစားရေစာငတ်ပြီး အဲ့ဒီဘက်မှာ ငတ်မွတ်ခေါင်းပါး များတယ်။”

ဒီလို ပြေးလွှား ရှောင်ပုန်းရင် ဒေသခံတွေ အစားရေစာငတ်ပြတ်မှုကြောင့် ပုလဲလယ်ရွာ၊ သော်ခူရွာက ပြည်သူ ၄ ဦး သေဆုံးသွားတယ်လို့ ဒေသခံက ပြောပါတယ်။ စစ်တပ်က စားနပ်ရိက္ခာသယ်ခွင့်မပြုဘဲ စစ်ဆေးတင်ကြပ်နေတာလို့ ဒေသခံတွေက VOA ကို ပြောပါတယ်။

စစ်ကောင်စီတပ်တွေဟာ ကယားနယ်ဘက်မှာ အင်အားတိုးချထားပြီး တိုက်ပွဲမရှိလည်း လက်နက်ကြီးတွေ အဆမတန် အသုံးပြု ကျေးရွာဘက်ကို ပစ်ခတ်လို့ ဒေသခံ အိမ်မှာ မနေရဲဘဲ အိုးအိမ်စွန့်ခွာ ဘေးလွတ်ရာကိုထွက်ပြေးရတာလို့ ဒေသခံတွေက ပြောကြပါတယ်။

 

Leave a Reply

Your email address will not be published. Required fields are marked *