PDF တွေကိုအမြန်ဆုံးရှင်းလင်းရန် စိုးဝင်ညွန်ကြား

ယခုအခါ စစ်ကောင်စီ ခေါင်းဆောင်များသည် ကျေးလက်ဒေသမှ ကြီးထွားလာနေသော လက်နက်က်ိုင်ခုခံမှုနှင့် ပြည်သူ့ကာကွယ်ရေးတပ် (PDF) လှုပ်ရှားမှုကို အာရုံစ်ိုက်နေကြောင်း နေပြည်တော်ရှိ စစ်ဖက်လုံခြုံရေးရာ အသိုက်အဝန်းနှင့် နီးစပ်သည့် သတင်းရင်းမြစ်များက ပြောသည်။ ပြည်သူ့ကာကွယ်ရေးတပ်များနှင့် ရွာသားများကို “ရှင်းလင်းရန်” အမိန့်ကို ယခုလအတွင်း ထုတ်ပြန်ခဲ့ကြောင်း သိရသည်။

ထိုကိစ္စကို သိရှိသော သတင်းရင်းမြစ်များ၏ အဆိုအရ အောက်တိုဘာလ ၁၃ ရက်နေ့တွင် ဒု ဗိုလ်ချုပ်မှူးကြီး စိုးဝင်းက PDFs များကို အမြစ်ဖြတ် ချေမှုန်းရန် သူ၏တပ်မှူးများနှင့် တပ်ဖွဲ့များအားလုံးကို အမိန့်ထုတ်ပြန်ကြောင်း သိရသည်။

ထိုသို့ အမြစ်ဖြတ် ချေမှုန်းရန် အမိန့်နှင့်အတူ စိုးဝင်းက ရွာသားများနှင့် PDF များ ဆက်သွယ်ခြင်းကို တားမြစ်သည့် အမိန့်နှင့် ထိုအမိန့်ကို မလိုက်နာပါက ပြင်းထန်စွာ ဒဏ်ခတ်ရန်လည်း အမိန့်ပေးခဲ့သည်။

ခြေလျင်တပ်များ၏ အကြီးအကဲနှင့် အာဏာသိမ်း ဒုခေါင်းဆောင် ဖြစ်သော စိုးဝင်းသည် PDF များကို ချက်ခြင်း ရှာဖွေ တိုက်ခိုက်ရန် အမိန့်ပေးခဲ့ပြီး ကျေးရွားများတွင် ပုန်းအောင်းနေသူများ အားလုံးကို ဖမ်းဆီးရန်လည်း ပြောသည်။

ယခုအခါ စစ်ခေါင်းဆောင်များသည် တိုင်းရင်းသားဒေသများတွင် ၎င်းတို့ ယခင်က ကျင့်သုံးခဲ့သည့် ဖြတ် ၄ ဖြတ် သေနင်္ဂဗျူဟာကို ကျင့်သုံးနေပြီး PDF များ ရိက္ခာ၊ ရန်ပုံငွေ၊ ထောက်လှမ်းရေးသတင်းနှင့် လူသစ် မရရှိအောင် ပိတ်ဆို့နေသည်။

အရပ်သား အမျိုးသား ညီညွတ်ရေးအစိုးရ (NUG)က အာဏာသိမ်း စစ်ကောင်စီကို စစ်ကြေညာလိုက်သည့် အချိန်မှစတင်ပြီး စစ်ကောင်စီတပ်များသည် နိုင်ငံတဝှမ်းမှ PDF များ၏ ပိုမိုများပြားလာသော တိုက်ခိုက်မှုများကို ခံနေရသည်။

“သူတို့ကို ရင်ဆိုင်တွေ့ရင် ရှင်းလင်းပစ်ပါ။ ဆူပူသူတွေက ငြိမ်းချမ်းစွာ ဆန္ဒပြရာကနေ လက်နက်ကိုင်အကြမ်းဖက်တဲ့ အဆင့်ရောက်လာပြီ” ဟု စစ်ကောင်စီ သုံးနေကျ စကားများဖြင့် ဧပြီလ ၁၁ ရက်နေ့က ထုတ်ပြန်သည့် ထိုအမိန့်တွင် ဖေါ်ပြထားသည်။

ထိုအမိန့်ကို ဒုဗိုလ်ချုပ်မှူးကြီး စိုးဝင်းကပဲ ထုတ်ပြန်ခဲ့ပြီး သူသည် နိုင်ငံတဝှမ်းမှ အထူးစစ်ဆင်ရေးအဖွဲ့များနှင့် ညှိနှိုင်းပြီး စစ်ကောင်စီတပ်များကို စီမံရာတွင် အရေးပါသော ခေါင်းဆောင်တဦးဖြစ်လာနေသည်။

Leave a Reply

Your email address will not be published. Required fields are marked *