မြန်မာ့စီးပွါးရေးအကြပ်အတည်းတွေ ကဖျက်လိုဖျက်ဆီးလုပ်နေတာကြောင့်လို့ စစ်ကောင်စီအပြစ်တင်

မြန်မာနိုင်ငံမှာ လက်ရှိရင်ဆိုင်နေရတဲ့ စီးပွားရေးအကြပ်အတည်းတွေ ဖြစ်ပေါ်လာအောင် နိုင်ငံခြားတိုင်းပြည်တွေက ကျောထောက်နောက်ခံပြုပြီး လုပ်ဆောင်နေကြတယ်လို့ စစ်ကောင်စီက ခန့်ထားတဲ့ ရင်းနှီးမြှုပ်နှံမှုနဲ့ နိုင်ငံခြား စီးပွားဆက်သွယ်ရေးဝန်ကြီး ဦးအောင်နိုင်ဦးက ပြောပါတယ်။

“ပထမအချက်အနေနဲ့ နိုင်ငံအတွင်းက ဘဏ်လုပ်ငန်းတွေပျက်စီးအောင် သူတို့တွေ လုပ်ဆောင်ကြပါတယ်။ ပြည်သူတွေ ဘဏ်တွေကနေ ငွေတွေထုတ်ယူကြအောင် သူတို့ လုပ်ဆောင်ကြပါတယ်။ နောက်ပြီးတော့ Digital ငွေပေးချေမှုစံနစ်ကို အသုံးမပြုဘဲ ငွေသားနဲ့ အရောင်းအဝယ်ပြုတဲ့ဘက် ပြည်သူတွေ လှည့်သွားအောင် လုပ်ဆောင်ကြပါတယ်။”

ရိုက်တာသတင်းဌာနနဲ့ သီးခြားပြုလုပ်တဲ့ အွန်လိုင်း မေးမြန်းမှုအတွင်း ဝန်ကြီး ဦးအောင်နိုင်ဦးက အဲဒီလို ပြောကြားလိုက်တာဖြစ်ပေမယ့် ဘယ်နိုင်ငံခြားတိုင်းပြည်တွေနဲ့ အတိုက်အခံ အင်အားစုတွေက နောက်ကွယ်ကနေ လုပ်နေကြတယ်ဆိုတာကိုတော့ အတိအလင်း ပြောဆိုခြင်း မရှိပါဘူး။

မြန်မာနိုင်ငံမှာ ဖေဖော်ဝါရီလ ၁ ရက်နေ့က စစ်တပ်က အာဏာသိမ်းပြီးတဲ့နောက်ပိုင်း နိုင်ငံရေးနဲ့ စီးပွားရေး မတည်ငြိမ်မှုတွေ ဖြစ်ပေါ်ခဲ့တာကြောင့် ဒေါ်လာနဲ့ယှဉ်လိုက်ရင် မြန်မာကျပ်ငွေတန်ဖိုးဟာ ပြီးခဲ့တဲ့ စက်တင်ဘာလအတွင်း ၆၀% အထိ ကျသွားခဲ့ပါတယ်။ မြန်မာကျပ်ငွေတည်ငြိမ်ဖို့ အတွက် ဗဟိုဘဏ်အနေနဲ့ အစွမ်းကုန် ကြိုးစားဆောင်ရွက်နေကြောင်း စစ်ကောင်စီခန့်ထားတဲ့ ဗဟိုဘဏ် တာဝန်ရှိသူတွေ ပြောပေမယ့် ကျပ်ငွေတန်ဖိုး အနည်းငယ်သာ ပြန်တက်ခဲ့ပြီး စစ်တပ် က အာဏာမသိမ်းခင် NLD အစိုးရလက်ထက်မှာ ရှိခဲ့တဲ့ ငွေလှဲနှုန်းကို ပြန်မရောက်သေးပါဘူး။

ဒါ့အပြင် စစ်တပ်ကအာဏာမသိမ်းခင်မှာ ငွေကြေးဖောင်းပွမှုနှုန်း ၁.၅၁% ရှိခဲ့ရာက လက်ရှိ ငွေကြေးဖောင်းပွမှုနှုန်းဟာ ၆.၅၁% ရှိနေပြီး လောင်စာဆီနဲ့ အခြေခံစားသောက်ကုန်အပါအဝင် ကုန်စျေးနှုန်းတွေလည်း သိသိသာသာ တက်ကုန်ပါတယ်။

မြန်မာငွေကြေးအကျပ်အတည်း ဖျက်လိုဖျက်ဆီးမှုကြောင့်ဟု စစ်ကောင်စီဝန်ကြီးအပြစ်တင်

မြန်မာနိုင်ငံမှာ လက်ရှိရင်ဆိုင်နေရတဲ့ စီးပွားရေးအကြပ်အတည်းတွေ ဖြစ်ပေါ်လာအောင် နိုင်ငံခြားတိုင်းပြည်တွေက ကျောထောက်နောက်ခံပြုပြီး လုပ်ဆောင်နေကြတယ်လို့ စစ်ကောင်စီက ခန့်ထားတဲ့ ရင်းနှီးမြှုပ်နှံမှုနဲ့ နိုင်ငံခြား စီးပွားဆက်သွယ်ရေးဝန်ကြီး ဦးအောင်နိုင်ဦးက ပြောပါတယ်။

“ပထမအချက်အနေနဲ့ နိုင်ငံအတွင်းက ဘဏ်လုပ်ငန်းတွေပျက်စီးအောင် သူတို့တွေ လုပ်ဆောင်ကြပါတယ်။ ပြည်သူတွေ ဘဏ်တွေကနေ ငွေတွေထုတ်ယူကြအောင် သူတို့ လုပ်ဆောင်ကြပါတယ်။ နောက်ပြီးတော့ Digital ငွေပေးချေမှုစံနစ်ကို အသုံးမပြုဘဲ ငွေသားနဲ့ အရောင်းအဝယ်ပြုတဲ့ဘက် ပြည်သူတွေ လှည့်သွားအောင် လုပ်ဆောင်ကြပါတယ်။”

ရိုက်တာသတင်းဌာနနဲ့ သီးခြားပြုလုပ်တဲ့ အွန်လိုင်း မေးမြန်းမှုအတွင်း ဝန်ကြီး ဦးအောင်နိုင်ဦးက အဲဒီလို ပြောကြားလိုက်တာဖြစ်ပေမယ့် ဘယ်နိုင်ငံခြားတိုင်းပြည်တွေနဲ့ အတိုက်အခံ အင်အားစုတွေက နောက်ကွယ်ကနေ လုပ်နေကြတယ်ဆိုတာကိုတော့ အတိအလင်း ပြောဆိုခြင်း မရှိပါဘူး။

မြန်မာနိုင်ငံမှာ ဖေဖော်ဝါရီလ ၁ ရက်နေ့က စစ်တပ်က အာဏာသိမ်းပြီးတဲ့နောက်ပိုင်း နိုင်ငံရေးနဲ့ စီးပွားရေး မတည်ငြိမ်မှုတွေ ဖြစ်ပေါ်ခဲ့တာကြောင့် ဒေါ်လာနဲ့ယှဉ်လိုက်ရင် မြန်မာကျပ်ငွေတန်ဖိုးဟာ ပြီးခဲ့တဲ့ စက်တင်ဘာလအတွင်း ၆၀% အထိ ကျသွားခဲ့ပါတယ်။ မြန်မာကျပ်ငွေတည်ငြိမ်ဖို့ အတွက် ဗဟိုဘဏ်အနေနဲ့ အစွမ်းကုန် ကြိုးစားဆောင်ရွက်နေကြောင်း စစ်ကောင်စီခန့်ထားတဲ့ ဗဟိုဘဏ် တာဝန်ရှိသူတွေ ပြောပေမယ့် ကျပ်ငွေတန်ဖိုး အနည်းငယ်သာ ပြန်တက်ခဲ့ပြီး စစ်တပ် က အာဏာမသိမ်းခင် NLD အစိုးရလက်ထက်မှာ ရှိခဲ့တဲ့ ငွေလှဲနှုန်းကို ပြန်မရောက်သေးပါဘူး။

ဒါ့အပြင် စစ်တပ်ကအာဏာမသိမ်းခင်မှာ ငွေကြေးဖောင်းပွမှုနှုန်း ၁.၅၁% ရှိခဲ့ရာက လက်ရှိ ငွေကြေးဖောင်းပွမှုနှုန်းဟာ ၆.၅၁% ရှိနေပြီး လောင်စာဆီနဲ့ အခြေခံစားသောက်ကုန်အပါအဝင် ကုန်ဈေးနှုန်းတွေလည်း သိသိသာသာ တက်ကုန်ပါတယ်။

Leave a Reply

Your email address will not be published. Required fields are marked *