စစ်သည်များ လူပီသ‌ ‌ေအာင် ရောင့်ရဲတင်းတိမ်ပြီး၊ ရိုးသားကြိုးစားဖို့၊ ဝင်ငွေနှင့်ထွက်ငွေမျှတအောင်နေကြရန် အကြမ်းဖက်စစ်ခေါင်းဆောင်ကြီး တိုက်တွန်‌းပြောကြား

Unicode:

အရာရှိ၊ စစ်သည်၊ မိသားစုတွေအနေနဲ့ ရောင့်ရဲတင်းတိမ်စိတ်နဲ့ ရိုးသားကြိုးစားစွာ ဆောင်ရွက်ကြဖို့နဲ့ မိမိ ဝင်ငွေနဲ့ ထွက်ငွေမျှတအောင် နေထိုင်သွားကြဖို့ အာဏာသိမ်း အကြမ်းဖက် စစ်ခေါင်းဆောင်က တိုက်တွန်းပြောကြားလိုက်ပါသည်။

စက်တင်ဘာ ၇ ရက်ကစပြီး NUG အစိုးရက ခုခံတွန်းလှန်စစ်ပွဲစတင်ကြေညာပြီးနောက် အာဏာသိမ်းစစ်ခေါင်းဆောင်က ပြင်ဦးလွင်မြို့ကို ပထမဆုံးသွားရောက်ကာ အရာရှိစစ်သည်တွေနဲ့တွေ့ဆုံ စကားပြောကြားခဲ့တာဖြစ်ပါသည်။

စက်တင်ဘာလ ၁၄ ရက်က ပြင်ဦးလွင်တပ်နယ်ရှိ နည်းပြအရာရှိကြီးတွေ၊ ကထိက အရာရှိကြီးတွေ၊ ပါရဂူဆေးမှူးတွေ၊ ဆရာ၊ ဆရာမတွေ၊ သန္ဓေအရာရှိ၊ စစ်သည်၊ မိသားစုတွေကို စစ်တက္ကသိုလ်၊ ဘွဲ့နှင်းသဘင်ခန်းမှာ တွေ့ဆုံအမှာစကားပြောကြားစဉ် ကာကွယ်ရေးဦးစီးချုပ် ဗိုလ်ချုပ်မှူးကြီး မင်းအောင်လှိုင်က ထည့်သွင်းပြောသွားတာဖြစ်ပါသည်။

နိုင်ငံတော်ကို ကာကွယ်နိုင်ဖို့ မိမိတို့တစ်ဦးချင်းတာဝန် ဝတ္တရားတွေ ကျေပွန်စွာထမ်းဆောင်ဖို့၊ စစ်စည်းကမ်းဟာ တပ်မတော်ရဲ့ကျောရိုးပင်ဖြစ်ပြီး စည်းကမ်းသေဝပ် အမိန့် နာခံမှုကောင်းစွာ လုပ်ဆောင်ကြဖို့လည်းတိုက်တွွန်းပြောကြားခဲ့ပါသည်။

စစ်သည်တွေအနေနဲ့ သင်ကြားခဲ့ရတဲ့ စစ်နည်းဗျူဟာတွေကို ပိုင်နိုင်ကျွမ်းကျင်မှုရှိအောင် လေ့လာလေ့ကျင့်ရုံသာမက လက်တွေ့စစ်မြေပြင်မှာလည်း ထိရောက်စွာ အသုံးချနိုင်ရမှာဖြစ်တယ်၊ အခြေခံစစ်နည်းဗျူဟာနဲ့ စစ်ပညာတွေကို လိုက်နာမှုမရှိပါက စစ်မြေပြင်မှာ ပေးဆပ်မှုတွေ ကြီးမားနိုင်လို့ စစ်သည်တစ်ဦးချင်းအနေနဲ့ ကျန်းမာ၊ ကြံ့ခိုင်၊ ကျွမ်းကျင်မှုရှိအောင် လေ့ကျင့် နေရမှာဖြစ်သလို စစ်စည်းကမ်းနဲ့ အမိန့်နာခံမှု ကောင်းမွန်ရမယ်လို့လည်း ပြောပါသည်။

နိုင်ငံတော်တာဝန်ကို တပ်မတော်က ခေတ္တတာဝန်ယူထိန်းသိမ်း ဆောင်ရွက်နေရတာဖြစ်ပြီး စစ်မှန်တဲ့ ဒီမိုကရေစီဖြစ်စေရေး၊ စည်းကမ်းရှိပြီး ခိုင်မာတဲ့ ဒီမိုကရေစီ ဖြစ်စေရေးအတွက် တပ်မတော်အနေနဲ့ ဆက်လက်ကြိုးပမ်း ဆောင်ရွက်သွားမယ်၊ ထာဝရ ငြိမ်းချမ်းရေးရရှိရန်အတွက် ကြိုးပမ်းလုပ်ဆောင်နေပြီး တပ်မတော်အနေနဲ့ အရေးပေါ်ကာလဆိုင်ရာ ပြဋ္ဌာန်းချက်တွေနဲ့အညီ ဆောင်ရွက်ပြီးစီးပါက ၂၀၀၈ ဖွဲ့စည်းပုံ အခြေခံဥပဒေနဲ့အညီ လွတ်လပ် တရားမျှတဲ့ ရွေးကောက်ပွဲ ပြန်ကျင်းပမယ်လို့လည်း ပြေကြားသွာပါသည်။

 

Leave a Reply

Your email address will not be published. Required fields are marked *