မွေးနေ့ဆုတောင်းပေးခဲ့ကြသူတွေကိုအထူးကျေးဇူးတင်ကြောင်းအမေစုသတင်းစကားပါးလာ

မွေးနေ့ဆုတောင်းပေးခဲ့ကြသူတွေကိုအထူးကျေးဇူးတင်ကြောင်းအမေစုသတင်းစကားပါးလာ

နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်က သူ့ရဲ့ ၇၆ နှစ်ပြည့် မွေးနေ့မှာ ဆုတောင်းပေးခဲ့ကြသူတွေကို အထူးကျေးဇူးတင်တဲ့အကြောင်း ပြောလာပါတယ်။

စစ်တပ်အာဏာသိမ်းပြီးကတည်းက ဖမ်းဆီးထိန်းသိမ်းခံရပြီး ပုဒ်မတပ်စွပ်စွဲခံထားရတဲ့အမှုတွေထဲက ၃ မှုအတွက် ဒီနေ့ ဇွန်လ ၂၁ ရက်မှာ ပြုလုပ်တဲ့ နေပြည်တော်က ရုံးချိန်းမှာ ရှေ့နေအဖွဲ့နဲ့တွေ့ဆုံချိန် ဒေါ်အောင်ဆန်းစုကြည်က အခုလို သတင်းစကားပါးလိုက်တာဖြစ်ပါတယ်။

ဒါ့ပြင် ပြည်သူတွေအတွက်ဆုတောင်းမေတ္တာပို့သတယ်ဆိုတဲ့စကားလည်း ပါးလိုက်တယ်လို့ ဒေါ်အောင်ဆန်းစုကြည်ရဲ့ရှေ့နေအဖွဲ့က ရုံးချိန်းအပြီးမှာ သတင်းထောက်တွေကို ပြောပါတယ်။

ဇွန်လ ၁၉ ရက်တုန်းကတော့ဒေါ်အောင်ဆန်းစုကြည်ရဲ့မွေးနေ့အပြင် ဖမ်းဆီးထိန်းသိမ်းခံနေရသူတွေကိုပါ ဂုဏ်ပြုတဲ့ စစ်အာဏာရှင်ဆန့်ကျင်ရေး ပန်းသပိတ်လှုပ်ရှားမှုကို ပြည်တွင်းရော၊ ပြည်ပမှာပါ လူထုက ပြုလုပ်ခဲ့ကြပါတယ်။

Leave a Reply

Your email address will not be published. Required fields are marked *