မီဇိုရမ်ပြည်နယ်တွင် ခိုလှုံသော မြန်မာနိုင်ငံသားများကို ငွေကြေးထောက်ပံ့မှုပေးမည်ဟု Mizoram ပြည်နယ်ဝန်ကြီးချုပ်မှ ဆို

မီဇိုရမ်ပြည်နယ် Mizoram ၀န်ကြီးချုပ် Zoramthanga ကသူ၏အစိုးရသည်ပြည်နယ်အတွင်းခိုလှုံနေသောမြန်မာနိုင်ငံသားများကို ငွေကြေးထောက်ပံ့ပေးမည်ဟု ဗဟိုလူငယ် Mizo အသင်း (CYMA) မှခေါင်းဆောင်များနှင့် မြန်မာနိုင်ငံသားများအားကယ်ဆယ်ရေးနှင့် ပတ်သက်၍ တွေ့ဆုံစဉ် ပြောကြားခဲ့ကြောင်း Mizoram News တွင် ဖော်ပြချက်အရ သိရပါသည်။

­

ပိုက်ဆံမကြာမီ ထောက်ပံ့နိုင်လိမ့်မည်ဟု Mizoram ပြည်နယ် ဝန်ကြီး‌ချုပ်မှ ပြောသည်။

၀န်ကြီးချုပ်က CYMA ခေါင်းဆောင်များအား ပြောကြားရာတွင် သူ၏အစိုးရသည် လူသားချင်းစာနာထောက်ထားမှုအရ ပြည်နယ်အတွင်းခိုလှုံရန်ရှာကြံနေသော မြန်မာပြည်သူများအားကယ်ဆယ်ရေးလုပ်ငန်းများ ဆက်လက်လုပ်ဆောင်သွားမည် ဟုပြောကြားခဲ့သည်။.

ဖေဖော်ဝါရီလက အိမ်နီးချင်းမြန်မာနိုင်ငံတွင်စစ်တပ်အာဏာသိမ်းမှုအပြီးချင်းပြည်နယ် ၀န်ကြီးချုပ် Salai Lian Luai အပါအဝင် မြန်မာနိုင်ငံမှလူပေါင်း ၉,၂၄၇ ဦး သည် Mizoram တွင်ခိုလှုံခဲ့ကြသည် ဟုအကြီးတန်းရဲအရာရှိ PTI သို့ပြောကြားခဲ့သည်။

 

ဒေါ်အောင်ဆန်းစုကြည်ပါတီ၏ဒီမိုကရေစီအဖွဲ့ချုပ် (NLD) မှဥပဒေပြုအမတ် ၂၄ ဦး သည်လည်းပြည်နယ်အတွင်းခိုလှုံနေသော မြန်မာနိုင်ငံသားများထဲတွင် ပါဝင်ကြောင်း သိရသည်။

Mizoram ပြည်နယ်တွင် ခိုလှုံနေသော မြန်မာနိုင်ငံသားများကိုအရပ်ဘက်လူ့အဖွဲ့အစည်းများနှင့်ကျောင်းသားအဖွဲ့အစည်းများက အမိုးအကာနှင့်အစားအစာများထောက်ပံ့ပေးထားသည်။

Photo: (DIPR Mizoram)

Leave a Reply

Your email address will not be published. Required fields are marked *